الرئيسية / بيت الأدباء والشعراء / شعر العامية / ماتحضرش العفريت ( ردا على أغانيهم)بقلم طارق السيد

ماتحضرش العفريت ( ردا على أغانيهم)بقلم طارق السيد

ماتحضرش العفريت ( ردا على أغانيهم)
إتكلم كدا على قدك
صون نفسك وإلزم حدك
لو مش هتلم الدور
هسقف لك على خدك
ياجميل إنت ياأمور
أنا مش زيك فرفور
ماتتفرفرش عليا
لعنيك ماتشوف النور
قوم شوف بتكلم مين
فينك إنت وعمك فين
إذا كنت ياواد والي عكا
أنا برضو صلاح الدين
روح بقا وإعمل حركات
وإتشقلب شقلباظات
وإن تعمل فيها أبو زيد
أو عنتر أبو العضلات
أديك في العضلة الوسطى
تضحك وتقوللي أليسطا
إديني في الطيلمانات
على كل لون ياباتيسطا
من عيني ياحلو أديك
وأدي لستين زييك
أديك كدا صبح وليل
وهكذا ياجميل دواليك
فهمت الدرس ياتيت
ولا المدعو عبيط
قصر كلامي بقوللك
ماتحضرش العفريت
بقلم طارق السيد

ربما تحتوي الصورة على: ‏‏‏2‏ شخصان‏، ‏‏نص‏‏‏
 
 

 
 
 
 
 
 
 

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

الحقيقة بتجرح … بقلم / خـالد المنصــورى

الحقيقة بتجرح احنا فى زمن الحقيقه فيه بتجرح والواقع فيه منسى والخيال ...