الرئيسية / بيت الأدباء والشعراء / هقول بفكر فى إيه منير خاطر

هقول بفكر فى إيه منير خاطر

هقول بفكر فى إيه
وهعترف والله يا بيه
أنا لما صحيت الساعه تلاته
كتبت الكلامده معرفش ليه

أهى تخاريف والسلام
لحد ميجينى المنام
قلقان تمللى أعمل ايه
غير انى اشخبط بالكلام

كل واحد بيقول مصلحتى
خلينى ادور بقى على راحتى
دا محدش بيداوى جرحى
لا اللى فوقى ولا اللى تحتى

مين ياعم بس اللى قال
إن اللعب على الحبال
والتنطيط هنا وهناك
ممكن يفتح يوم مجال

طول منتا فقير الكل يدوس
ولو اغتنيت هيوطى يبوس
دا قانون ماشى من زمان
وياما الفلوس غيرت نفوس

متعطلنيش انا مش فاضى
أنا رايح اشكيك للقاضى
عملتلك خدى مداس
وانتا كمان منتش راضى

اللى فقلبى قلتو خلاص
إبعد عنى بقى الوسواس
خلينى أنام ولو ساعه
وللا أنا مش زى الناس

منير خاطر

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعبر قلبي ياحبيبي …أميرة الورد

اعبر قلبي ياحبيبي … فرحيق الوجود يرنو إليك … أقاحي الورود أخبرتني ...