الرئيسية / بيت الأدباء والشعراء / ✏ بعتب عليكي 🎤الشاعر سعيدالروبي ابوحبيبه

✏ بعتب عليكي 🎤الشاعر سعيدالروبي ابوحبيبه

✏ بعتب عليكي 🎤

بعتب عليكي علشان بحبك

ومحبتش حد في الدنيا قدك

ومين يستاهل حبي غيرك

وأنا لحم أكتافي من خيرك

بعتب عليكي علشان حقي فيكي ضايع

ومهما أهتف ولا أقول محدش سامع

ولو حد سمعني يقول ده ولد صايع

ولأرضه ووطنه أكيد بايع

وأنا اللي فيكي شارب الذل

وفي حبك يا بلدي مش بمل

بس نفسي تشوفيني بعين الرحمه

وتكوني أحن عليا من الدنيا الجارحه

وأحس فيكي مره وحده بالأمان

فحضنك الدافي اللي كله حنان

ما أنا لو مش بحبك مكنتش أعتب

ولا أغير عليكي في يوم ولا أغضب

عرفتي بقي بعتب عليكي ليه

لأن اللي بيحبك دايما بتيجي عليه

ولو زاد في حبك تذلي فيه

ونفسي أعرف أخرت ذلي فيكي ايه

الشاعر سعيدالروبي ابوحبيبه

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

من الشعر العامي هذا ( الموال ) للشاعر // محمد علي محمود نويشي بعنوان ==========( ياورد فيك الغرام )=====

من الشعر العامي هذا ( الموال ) للشاعر // محمد علي محمود ...