الرئيسية / الأخبار / ” ست ” ب ” 1000 راجل “

” ست ” ب ” 1000 راجل “

كتب سلام محمد سلام

كنت فى يوم من الايام مستنى عربية الشغل فتأخرت عليا قلت اركب اى حاجه جايه المهم بعد فتره ركبت سياره ” مينى باص ” واول ماطلعت السياره وجدت شيئا غريبا اللى بيلم الاجره واحده ست فنظرت اليها متعجبا فلما لقت الاستغراب على وجهى قالتلى ” الحوجه مره ” ماتستغربش اكل العيش عاوز كده اعمل ايه

فكان كل اللى طالع ..اللى يستغرب واللى يتعجب واللى يهمهم بكلام مش مفهوم واللى يتريق ويقول من قلة الرجاله وهى تسمع وتبتسم وتنادى بصوت اجش طبعا مش صوتها بس المهنه عاوزه تتخن من صوتها حتى لا تكون مطمع فى نظر الرجاله وتتعامل معهم بطريقتهم لما لقت الموضوع زاد عن حده مع الركاب قالتلهم طب اعمل ايه عندى 5 من الاولاد اصرف عليهم منين هى الناس مابتسبش حد فى حاله ما احنا لو قلبنا على قلب بعض ماكنتش اشتغلت الشغله دى مش احسن من انى اشتغل شغله مش شريفه واصرف على اولادى من الحرام عاوزه اربى ولادى من الحلال ماتسيبونى فى حالى

وطلعت بنت بلد كمان اللى مامعهوش اجره وحالته على قده ماتخدش منه الاجره …بقى فيه كده ..اه فيه بنت البلد الجدعه اللى عاوزه تعيش بالحلال وتعلم ولادها من حلال …وللاسف ماحدش بيسيب الناس فى حالها مايعرفش ايه اللى وراهم … واللى يشوف بلاوى الناس تهون عليه بلوته …

وعلى فكره الست دى مش مكسوفه وهى تنادى على الزباين ومعظم الزباين عرفوها دلوقتى على خط باب الشعريه الشارع الجديد واما عرفت ان انا فى جريدة الجمهور العربى استحلفتنى بالله اصورها وانشر صورتها حتى تكون مثل اعلى وقدوه لكل الستات اللى عاوزين ياكلوها بالحلال .

عن algomhour

اضف رد

لن يتم نشر البريد الإلكتروني .

x

‎قد يُعجبك أيضاً

سلوى ذكى تشدد على ازالة التعديات على الأراضى الزراعية وأملاك الدولة

البحيرة / محمود جنيدى و همت فخرالدين عقد المجلس التنفيذ لمركز ومدينة ...