الرئيسية / بيت الأدباء والشعراء / قبل الزواج وبعده … بقلم / طارق السيد

قبل الزواج وبعده … بقلم / طارق السيد

قبل الزواج وبعده
(قبل الزواج)
حبيتك وإتمنيتك قبل ماأشوفك بعنيا
شوفتك في خيالي ياشاغل بالي وساكن فيا
ناديتك وإترجيتك دوبت خلاص رد عليا
في منامي ليلاتي أنا بحلم بك
أنا بحلم ليا وبحلم لك
ترسملي ياروحي وأنا أرسملك
أيامي وأيامك الجاية
وأوصل أحلامي بأحلامك
وأزرع أرضك حنية
وأجري وتجري إنت ورايا
وإن تتعب أشيلك في عنيا
ونسهر تحت القمرايا
مع بعض هتحلى السهراية
نضحك ونعلي الضحكاية
تعلالي و رد الروح فيا
(بعد الزواج)
على إيه حبيتك وإتمنيتك
كنت إنطسيت أنا في عنيا
شوفتك في خيالي ياواد خيّالي
أتاريك أرنب على ملوخية
ياريتك يوم ماناديتك
كنت أطرش ماسمعتش ليا
لكن ودنك ماشاء الله
من حظي إكمني أنا فقرية
كنت زمان أنا بحلم بك
قاعد في الكوشة وأنا جنبك
دلوقت يابلوى أنا بتمنى
ياتبعد عني وتتهنى
ياذنبك بقى كدة على جنبك
أتمطع وبعزم أديلك
قلمين سقع على صداغك
أو كام بلحة على دماغك
ياخد من همي ويديلك
بقلم طارق السيد

عن Amr Hero

شاعر مصري معاصر

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...