الرئيسية / بيت الأدباء والشعراء / زمان ياحب/بقلم طارق السيد

زمان ياحب/بقلم طارق السيد

زمان ياحب
غنوة وقالها سمعة زمان
ومحمد فوزي وبوحة كمان
الحب زمان كان غير دلوقتي
ياريت يازمان تيجي دلوقتي
الحب زمان كان نظرة عين
ورمش بيوصل بين قلبين
الحب أساسه كان الحنية
والتنهيده كانت أغنية
إللي تحب تشب تطل من الشباك
وتقول لحبيبها بنظرة عين أنا قلبي معاك
ولو يوم يبعد ويغيب عنها
تغني لليلى مراد …رايداك
واللي يحب زمان فى حبيبته
يخليها وردة تزين له جنينته
يخش البيت على طول مالباب
ويعيشوا على طول دايما أحباب
الحب الأيام دي الدباديب
وقلوب حمرا ونظرة ديب
والحبيّبة على الكورنيش
مترطرطة زى الخفافيش
دلوقت الحب بدون تكليف
تقدر تاخده فى نص رغيف
زى اللمبي ماقال فى الفيلم
الشوق الشوق بولوبيف بولوبيف
بقلم طارق السيد

 

ربما تحتوي الصورة على: ‏شخص واحد‏

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...