الرئيسية / بيت الأدباء والشعراء / المسحراتي/بقلم طارق السيد

المسحراتي/بقلم طارق السيد

المسحراتي
مسحراتي منقراتي داير ليلاتي أنده وأهاتي
ألف حارات وأخش دروب من حارة الروم للكحكيين
وحارة حوش آدم والقربية وباب الخلق مع اليكنية
أدق الطبلة وأصحّي أبو عبلة وأصحي معاه شاويشنا أبو طلبة
إصحى ياخلي ياحاج خليل إتوضى وصلي قيام الليل
وانت كمان قوم ياسطى جلال ربك رزقك رزق حلال
صلي وكبر الله أكبر واتقي يوم الفزع الأكبر
وانت كمان ياسي عبد الهادي يجعل ربي صباحك نادي
إحمد ربك عللي يصيبك إللي يصيبك هو نصيبك
وإنت كمان قوم ياسطى شديد متكسلش الصحة حديد
إشرب مية وجل علاه ده لولا المية ماتلقى حياة
ياست أم أحمد صحي النوم دي ريحة الجنة في شهر الصوم
إصحى وقوم ياحسين يافاروق بعد الضلمة بيجي شروق
صلي وسبح حارب الفتنة دى دنيا وفانية ومش بتاعتنا
وإنت كمان إصحى يافرحات إلحق رمضان شهر النفحات
بعد سحورك سبح ربك صلي الفجر
.ماتحوش نصيبك عل تصيبك ليلة القدر
دى ليلة القدر عظيمة الأجر
ملايكة وروح وسلام للفجر
تلاقي الجنة فاتحه أبوابها
جاهزه قصورها سكن لأحبابها
وبعد اللف مع الدوران وفى آخر ليلة من رمضان
تلاقي عيال صبيان وبنات شايلين على راسهم تل صاجات
بسكوت مع كحك بصنع الإيد وعيال فرحانه بلبس جديد
وناس سهرانه تصلي العيد سلامة عليكم عيدكو سعيد
بقلم طارق السيد

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

حاولت اهرب منها /…… سمير فتحي

حاولت اهرب منها  لكنها مش مدركه  انا ليل طويل  مليان دموع مليان ...