الرئيسية / بيت الأدباء والشعراء / يجوز جداً ؟ … للرائع / كرم شحاتة

يجوز جداً ؟ … للرائع / كرم شحاتة

… يجوز جداً ؟ ….
يجوز إنى أكون فعلاً
كما فاكرة محبتهاش
يجوز جداً وليه لأه
مانا أصلاً مقولتلهاش
ولآ عبْرت يوم ليها
عن الأشواق ولياليها
وعن إحساسى بغيابها
ووقت كتير رحل ببلاش
بغير ما هواها يشغلنى
……………………………… يجوز جداً ؟
يجوز جداً أكون فعلاً
أساساً كل دا موهوم
بحلم بنفسى أسسته
وكبرته لحد ما يوم
فرض أحكامه على قلبى
وشعلل فيا ولعب بى
وخلانى أهيم أكتر
فى دنيا حقيقى مبتسواش
ما قدّْرت يوم تطمنى
……………………………… يجوز جداً ؟
يجوز جداً أكون أصلاً
بقيت معجب أنا بيها
عشان قربنا بس يومين
وشوفت الحُسن بعنيها
فتوهت وضعت من خيبتى
وقالى القلب دى حبيبتى
بدون ما يجس ويحقق
نطقها بسرعة مستناش
وخاف لا يبان نفور منى
……………………………… يجوز جداً ؟
# كيمو #

عن Amr Hero

شاعر مصري معاصر

اضف رد

لن يتم نشر البريد الإلكتروني .

x

‎قد يُعجبك أيضاً

اعبر قلبي ياحبيبي …أميرة الورد

اعبر قلبي ياحبيبي … فرحيق الوجود يرنو إليك … أقاحي الورود أخبرتني ...