الرئيسية / بيت الأدباء والشعراء / إكسبيرد .. الحلقة التاسعة .. قصة الرائع / عصــام قابيـل

إكسبيرد .. الحلقة التاسعة .. قصة الرائع / عصــام قابيـل

إكسبيرد
قصة من تأليف عصام قابيل
الحلقة التاسعة
رد حربي وهو يربت على كتف فتنة وينظر إلى الرجل بنظرات معنها أن يسكت:
– يافتنة ان شاء الله هانلاقي ممدوح وماتفكريش في حاجة.
– أنا قلبي كلني قوي على الولد ياحربي ماانت لو تحكيلي ايه الي حصل بجد وايه الي خلى الواد يجري خايف كده.
– يابنتي احنا في ايه ولا في ايه دلوقتي بس نلاقيه.
أفاقت شوقية بعد عدة محاولات بين الأطباء في مستشفى الهرم وتحدثوا معها وبعدها أبلغوا مكتب النيابة التابع للمستشفى أن لديها أقوال قد تهم الشرطة .
وسرعان ماأُرسلت إشارة لقسم الهرم بماحدث وهناك كان حربي قد وصل هو وبعض من الذين حضروا المشهد ليبلغوا عن الحادث .
إستدعى ضابط المباحث حربي فدخل عليه وهو يحاول أن يتماسك وقال:
– إلحقونا ياباشا الولد إختفى في غمضة عين ولا عارفين راح فين ولا ايه الي جراله.
رد الرائد فكري رئيس مباحث القسم ببرود شديد:
– وانتوا سايبين عيالكم تلعب في الشوارع ليه وبعدين تيجوا تعيطولنا هنا , فين أمه وفين أنت ساعة مااختفى؟
– ياسعادة الباشا الولد نزل الشارع يدور على امه واحنا اساساً عندنا مشكلة , حمايا تعب فجأة ومراتي الي هي بنته راحت مع امها يودوه المستشفى , يعني مفيش لعب ولا حاجة , وبعدين حضرتك ماسمعتش الي حصل بعدها , ده في واحدة شكلها مايعلم بيه إلا ربنا خدت حماتي وجابتلها اتنين رجالة وخدروها ولولا احنا لحقناها ىالله اعلم ايه الي كان هايحصل , أرجوك ياباشا أنا قلبي مقبوض.
– تلاقيها مديحة العايقة بنت الكلب , إنتوا إيه الي عتركم في الناس دي مش فاهم ؟ إنت عارف الناس دي إيه ؟
– لا ياباشا معرفش .
– الناس دي تجار أعضاء بشرية.
صرخ حربي صرخة مفاجأة رغماً عنه وقال :
– أمال سايبينهم ليه ياباشا ؟ لما انتوا عارفينهم , سايبينهم ليه ياخدوا ولادنا؟
– إنت هاتعرفني شغلني يابني انت ولا إيه ؟
– لاياباشا لاياباشا بس من حرقتي على الواد معلش انا اسف بس ارجوك اعمل اي حاجة ياباشا ارجوك
وقال حربي في نفسه وهو يعض على شفتيه من الحسرة * معقولة يكونوا خدوا الواد معقولة معندهمش ضمير للدرجة دي
#عصام_قابيل

عن Amr Hero

شاعر مصري معاصر

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...