الرئيسية / بيت الأدباء والشعراء / اضحك لتتنقط … بقلم / أنا مصري

اضحك لتتنقط … بقلم / أنا مصري

اضحك لتتنقط
افتح خشمك وكركر
طايب اقلبها مناحه
بيبرق وعمال يفكر
والعرق حمام سباحه
شايل طواجن الهم
وبوزه مقلوب شراب
يكنش الواد ملهم
ناسي وماشي بقبقاب
ميل وهات همك
اقسم معايا يا خال
اضحك ومين همك
عارف الجيب خال
خلاص ياعم صوت
وافضحنا قدام الخلايق
هيقوله عقله فوت
وكلام سخيف مش لايق
اضحك وعدي خلاص
هناخد ايه يا سدنا
حداك كام بلا ص
جبنه وحاجه تفدنا
يا يعم هجيب العيش
وعليك الدود والمش
وان كان ياعم مفيش
قضيها حبة مشمش
ايو اضحك وفرفش
وزقطط وقول يا لهوي
وانفخ كرشك وفش
واقلب فرنسي وي
بقلم /أنا مصري

عن Amr Hero

شاعر مصري معاصر

اضف رد

لن يتم نشر البريد الإلكتروني .

x

‎قد يُعجبك أيضاً

الْمَوْتُ الزُّؤامُ ========محمد الساده

الْمَوْتُ الزُّؤامُ ======== مالي أراك يا وطني مقسم الأطراف والأوصال مُظلِمُ  هل ...