الرئيسية / بيت الأدباء والشعراء / ‏وفات م الليالى كتير/#الشاعرة_رضاعبدالوهاب

‏وفات م الليالى كتير/#الشاعرة_رضاعبدالوهاب

‏وفات م الليالى كتير
وضاعت ف اللقا مشاوير
سنين مسروقة من عمرى
ولسة يااقصى فينااسير 
واسيرع الدرب انا وحدى 
وضهرى م الوجع محنى
وبحبى لحدك انت واطير
يازفة كان ناقصها ناى
وساحة حرب مفتوحة
يااقصى موتوك ازاى
رقبتك لسة مدبوحة
ومشروخة كما الأركان
كما ولادك ف وش الريح
عراية بجلدهم مجاريح
ياقدس جريح
ولادك يسندوك ازاى
وسامعة صوت أدان ببكى
على ولدى اللى مات بدرى
وكان نفسه يقوم يجرى
كماالاطفال بلبس العيد
وكان يحلم بلبس جديد
ولعبه راكبة مرجيحة
لقاها بندقية حديد
حجارة ومعركة صريحة
وزرعة خضرة بتشابى
وهتضلل على بابى
ربيع طارح وعنابى
ياحسرة قلبى ياشبابى .. وشيبتوا
ولسة قلوبكواقلب وليد
وستنامريم العذرا
بتحى القلب من نظرة
بقالهاسنين ومنتظرة
ولسة واقفة بتنادى
ياخوفى عليكوا ياولادى
ياخوفى عليك يافلسطين
بنروى الارض بدمانا
مفيش ولارجل شيلانا
وكل عيونا عميانا
وكل عيوبنا قتلانا
وتحت الارض حلمى قتيل
وصيادك حرامى اصيل
شارب دم ولاد بتسيل
يهودى لاله وطن ولادين
وعمره ف الهبل سايق
وعمره لارضنا سارق
يااقصى ياعمرنا المهدور
ياساقيه وفيها لف الطور
ومتغمي وبينا يدور
مابكرة اكيدعلينا الدور
يلفوا رقابنا ف مشانق
بناتك حالفة الف يمين
ليستنوا صلاح الدين
ويتزفواعلى اعتابك
ونرجع تانى قولواامين
نصلى وتسرى احبابك
يااقصى لحد يوم الدين
هنتوضاعلى بابك
ولو فينا الف الف شهيد
هيطلع بكرة فجرجديد
ومليون الف درة جديد
بيتولدوا ف محرابك
يااقصى ياعيسى ومحمد
هلال نام ف حضنه صليب
يانبضة قلب كل حبيب
هنرجعلك ونتشارك
وضالونا ولادضالين
سابوناف بعض نتعارك
ونتخانق على اللقمة
ولجل ماننسى يااقصى
واوعى تقولى سيب وانا سيب
وكله ف دايرة التخريب
هدومنا ونارهاطيلانا
وناس ف الشدة بيعانا
يهودى بيضربك وجبان
وخايف تنظره بعينك
ولاعمره يكون انسان
وكاره اسمكِ ودينك
يااقصى بكرة وبكرة اكيد
هنرجع ليك ونجيلك
ونزرع فيك غصن زتون
وهنعيدك وعيدنا هويوم عيدك
ومهماخادونا ف مهالك
مين اللى باع ومين مالك
مين اللى معاك مين خانك
انا بنتك واناولادك
شهادة اسمى ف ميلادك
هنتقابل على بابك
وملعون ابو ه جلادك
اناولدك وانازادك
وانا بلال وصوتى أدان
هرجع تانى امجادك
ولاتبقى يااقصى جريح
وتنزف دمك الطاهر
يتقاضى لحديوم الدين
وحاضرحتى ف غيابك
و حاضرحتى ف غيابك‏
٢٥/٧/٢٠١٧
#الشاعرة_رضاعبدالوهاب

 
 

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعبر قلبي ياحبيبي …أميرة الورد

اعبر قلبي ياحبيبي … فرحيق الوجود يرنو إليك … أقاحي الورود أخبرتني ...