الرئيسية / بيت الأدباء والشعراء / فرحة ما تمت … بقلم / محمد البنا

فرحة ما تمت … بقلم / محمد البنا

فرحة ما تمت
مش قلتلك
عصفور ومات
لما السكات غلب الغنا
والممكنة صبحت محال
والإحتمال..
ريشهُ الدهب أصبح زغب
أو ليلهُ طال
مش قلتلك
شمس النهار صابها التعب
ف ولادة كت متعسرة
وسألتني..
يا هلترى مات الجنين ؟
صدقني صعبة المسألة
لما الحنين..
من بين ضلوعك ينسرق
ما تحس بيه
لما السنين ..
تمشي لورا متكدرة
لما الأنين لو ينكتب
على ضي شمعة ما ينقرا
لما اللهب..
يغرق ف ليه وإزاي وفين
ومسيلمة…
يصبح أمين على خزنتك
مش قلتلك…آخرتها طين !!
بقلمي / محمد البنا …في 10/8/2017

عن Amr Hero

شاعر مصري معاصر

اضف رد

لن يتم نشر البريد الإلكتروني .

x

‎قد يُعجبك أيضاً

اعبر قلبي ياحبيبي …أميرة الورد

اعبر قلبي ياحبيبي … فرحيق الوجود يرنو إليك … أقاحي الورود أخبرتني ...