الرئيسية / بيت الأدباء والشعراء / قصر الكلام *********محمد عبد المنصف

قصر الكلام *********محمد عبد المنصف

قصر الكلام
*********
قصر الكلام بعد السلام 
رغم الإساءة والإتهام
فى كل عصر الغاية مصر
فيها ناس بتحلم تبنيها قصر
وقالولنا ناخد بالنا دايماً
الجهل سجن والعلم نصر
جدودنا ليه اتعلموا علم الفلك ؟
نشروا الحضارة بالزراعه
وطريق ما بعد الموت سلك
فى الهندسه كانوا مدرسه
والطب من غير هلوسه
كان حكمته …. حريته
من صنع إيده لو إمتلك
قالوا دا جاهل علموه
صدق كلامهم وإمتثل
والدين بعافيه حبتين
أهو م الذنوب قام إغتسل
دلوقتى ليه ؟
عاملينه ليه فئران تجارب
عاوزينه ليه وبإيه يحارب
وهو شايف خطوته
ماشيه ورا فكر الأجانب
بتعشموه بأكل العسل
وزرعتوا فيه حب الكسل
قلتوا له جرب الاشتراكى
وصفه عظيمه وفكر راقى
فكر سابوا فقير وباكى
قلتوا له نقلب رأسمالى
بعتوه لناس قبضوا البواكى
أصبح عليل والليل حلك
دلوقتى عاوزين تظلموه
ونتاج فشلكوا تحملوه
بس إعلموا وإتعلموا
م الموعظه
كل إللى ظلمه فى يوم هلك
محمد عبد المنصف

ربما تحتوي الصورة على: ‏‏شخص واحد‏، و‏‏يبتسم‏، و‏‏‏وقوف‏ و‏نشاطات في أماكن مفتوحة‏‏‏‏‏

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعبر قلبي ياحبيبي …أميرة الورد

اعبر قلبي ياحبيبي … فرحيق الوجود يرنو إليك … أقاحي الورود أخبرتني ...