الرئيسية / بيت الأدباء والشعراء / إنتي عيدي احمد صبري

إنتي عيدي احمد صبري

ربما تحتوي الصورة على: ‏‏‏شخص أو أكثر‏ و‏نص‏‏‏
الشاعر الحزين احمد صبري

إنتي عيدي
احمد صبري

بتلومي عليا سكاتي
ومش عارفة إنتي إيه
إنتي نصيبي وحياتي
نبضي اللي عايش بيه
باتوه وترجعيني
لو تبكي تجرحيني
عشان ماليش غيرك
فهماني بتريحيني

حاقولك كلمتين حلوين
واخبي روحي جواكي
وشوقي لو يبان بالعين
يقولك إني بهواكي
وهواكي مدفيني
ودفاكي مخليني
في عز البرد متغطي
كمان حضنك مقويني

حبي ليكي مش كلام
ولا حاجة ممكن تتنسي
مهما تطول بينا الايام
ولا الزمن علينا قسسي
بعشقك وبتعشقيني
غرامي ضي عيني
احلامي بيكي بتتحقق
والقصة بينك وبيني

كل سنة وانتي عيدي
وبضحي بروحي عشانك
ولو كان الامر بإيدي
راح اعيش حاضن حنانك
واموت فيكي تواسيني
وفي ليلي تونسيني
صوتي بيحلو بحسك
لما اغني وتسمعيني

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

ترضاها لاختك. رساله لشباب الجامعات/بقلم عبد العال محمد

ترضاها لاختك. رساله لشباب الجامعات بص وبرق واملى مرايتك كام بحليقه  شايف ...