الرئيسية / بيت الأدباء والشعراء / الدنياا/وليه يادنيا …..ليه يادنيا بقلم/محسن رجب جودة

الدنياا/وليه يادنيا …..ليه يادنيا بقلم/محسن رجب جودة

الدنيا

الدنيا دي محكمة والقاضي والجلاد

وأيه يفيد العدل ف زمنا

والعدل ف زمنا مات

ليه يادنيا…..ليه يادنيا

ليه يادنيا الفرح دايما حبة حبة

وليه يادنيا الحزن دايما بالزيادة

ليه يادنيا الهم دايما يستخبى

وكل ماأفرح ييجي دايما بالزيادة

كتر الهموم والذل دايما من نصيبنا

والفرح من قلة مجيّه مش نصيبنا

ليه…ليه……ليه يادنيا

متبهدلين فيكي يادنيا من الكبير ومن الصغير

متبهدلين فيكي يادنيا والنفس أصبح قصير

مترمّيين زي التراب كل اللي ماشي يدوس عليه

مترمّيين زي التراب ملناش نصيب معرفش ليه

كتافنا مالت من الحمول ومن الأسيا

كتافنا مالت كل يوم يصعب عليا

ليه يادنيا بتكرهيني بالقوي

ليه يادنيا الحزن ليا بالقوي

ليه يادنيا من عذابي واخده بالك

والفرح دايما ليه يادنيا مش في بالك

أنتي اللي صح يادنيا دايما صدقيني

أنتي اللي صح يادنيا دوسي وخلصيني

بموت ف اليوم ميت مرة متين مرة

عايشها دايما ع المرة وع المرة

طفح المرار علي كل شيئ من همنا

طعم اللقمة خلاص بقى مر في بقنا

ملناش سند غير ربنا هو اللي عالم
بالهموم ومطلع دايما وعالم

وليه يادنيا …..ليه يادنيا

بقلم/محسن رجب جودة

ربما تحتوي الصورة على: ‏‏‏شخص أو أكثر‏ و‏لقطة قريبة‏‏‏
 
 

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...