الرئيسية / بيت الأدباء والشعراء / حكاية تانية…شعر العامية حكاوى مصرية ..قلمي صحاني

حكاية تانية…شعر العامية حكاوى مصرية ..قلمي صحاني

حكاية تانية…شعر العامية
حكاوى مصرية ..قلمي صحاني
بقلم الشاعر / عصام سعد زغلول عبد السلام

ياقلم ليه تصحينى … من عز احلامى
اكتب حكاية تانية عن بلدى من تانى
مسكت القلم ..جرى خربش … على ورقى
رسم صورة جميلة هى علم…بلدى
سالت دموعى من خوفى على وطنى
و..ارتعشت الاوراق فمالت تجاه قلبى
كتبت … يا الله … حماك يا ربى
جرى القلم عل.الورق يتنطط كده قدامى
يرسم لى احلام ويعيد الامل تانى
يكبر ببلدى زراعة صناعة واغانى
دوقنى طعم النجاح والدهشة وخدانى
قلتله ياقلم وقف …. ابعد.. كدة عنى
انا اللى هاكتب عن بلادى ومن ظنى
وكل ما اكتب على الورق فينك يابلدى
يشخبطها قلمى ويكتب انا مصرى
فقير غلبان وبحبك كدة يا وطنى
ومفيش فى الكون احلى من بلدى
ويرسم لى علم كبير على صدرى
قلت ياقلم عندك حق اللى نايم يكون مخفى
واللى صاحى بالعمل بكرة هايعدى
ويرسم صورة جديدة حلوة كدة لبلدى
راح القلم فى ساعتها كدة واقف… لى
تعظيم سلام وكتب انت…..انا… المصرى

لا يتوفر نص بديل تلقائي.

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...