الرئيسية / بيت الأدباء والشعراء / سمع هس,,,,,,بقلم طارق السيد

سمع هس,,,,,,بقلم طارق السيد

سمع هس
كله سكوت كله سمع هس
كله يفنجل عينه ويبص
كله يطرطأ ليا ودانه
كلامي رصاص بس اللي يحس
حذروا فزروا فكروا بهدوء
مين له حق ومين محقوق
هل يبقى الحق على المتساق
ولا الحق على اللي يسوق
فكروا تشكروا وإياكو تقولولي
بكرة ياروقة الدنيا تروق
طول ماحنا ياناس سايبين الباطل
يركب على ضهرنا ويسوق
ساعتها إحنا اللي ياناس نستاهل
ومايبقاش لينا أي حقوق
فوقوا شوية يامصرين
كترت حواليكو التعابين
لإمتى ياناس هنطاطي في راسنا
لحد ماتغرز يوم في الطين
وناس واطين عايشين عالين
من ضعفنا مستقوين
لحد إمتي ياخلق قولولي
هنعيش ليهم محنين
تعالوا نشبك يد في يد
تعالوا نحتد ونعمل حد
ونقول للي عايز يركبنا
مش راح نبقى مطية لحد
إذا كانوا فاسدين أومنتفعين
تجار جشعين أو مرتشين
وخصوصا جدا جدا جدا
الضالين تجار الدين
بقلم طارق السيد

عن Hiam Obied

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...