الرئيسية / بيت الأدباء والشعراء / ديماً وخدانا على عمانا الشاعر عيسى عبد الرؤوف

ديماً وخدانا على عمانا الشاعر عيسى عبد الرؤوف

ديماً وخدانا على عمانا
وشايلين أحزانا جوانا
على خدودنا كفك معلم
وصوابعك مرسومة على قفانا
بتدينا كل يوم علقة
وإن ملينا تقولى دى خوانا
رضيت بفطارى يكون فولك
طيب شاوريلي على غدانا
بنام الليل رابط بطنى
نايم بحلم بعشانا
أنا منك ومن حقى أسأل
جبتينا ليه مادام كارهانا
وليه راعيكى بايع ناسه
دا حتى الرعية دى أمانة
وليه مقسمنا لفصايل
وفقيرك ليه مالوش عايل
شليتى إيده ماهوش طايل
وأخره ياعينى يروح قايل
منك يامصر أه يانا
رفعتى أسعارك كام مرة
واللقمة ف حلقى بقة مرة
ولما أقوللك يابلدى حرام
تروحى راده بأنا حرة
دا مالوش الحق يعيش ويانا

عن Hiam Obied

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...