الرئيسية / بيت الأدباء والشعراء / الحب الصادق/بقلم عمر ابو عميره

الحب الصادق/بقلم عمر ابو عميره

الحب الصادق

ربما تحتوي الصورة على: ‏‏سحاب‏‏

الله محبه
والحب للمؤمن شعار
الحب لمّا يبقى بينا
تصبح الضلمه نهار
والحب لو غاب من قلوبنا
قول على الدنيا الدمار
لو قلب ضاع الحب منه
راح يعيش الجنه نار
لمّا بينا الحب يطرح
راح يحلـِّى أى مطرح
نقطف احنا ليه ثمار
دا الحب شمس ونور عمار
دا الحب الحقيقى للقلوب
يضحى ما يعرف هروب
ألف ورده للى أخلص فى الموده
حـَب الوطن صان التراب
قلوب ما بتحبش
تصبح خراب
لونها أسود كالغراب
لمـَّا تكره انت أخوك
تلقى كل الدنيا شوك
تلقى كل الناس سبوك
تلقى طعم الدنيا مر
تبقى غاب
تبقى للعطشان سراب
ألف ورده للى أخلص فى الموده
واللى عشعش جنب طيره
مامنعشى حد خيره
حـَب غيره وأهل داره
ضحى لزميله ماخنشى جاره
ألف ورده للقلوب
اللى لو عشقت تدوب
اللى بتحب بصحيح
ضحكتها بلسم للجريح
قلوب بتعشق من صميمها
صامده ما اهتزت بـريح
للوداد دايما ً تصون
طاهره ما تعرف تخون
أوتضر
جوّا منها الخير يسر
لمّـَا نحقد على بعض
لمّـَا يبقى بينا بغض
ولاّ تار
لمـَّا نكره بعض عار
الله محبه والحب للمؤمن شعار
بقلم عمر ابو عميره

 

عن عزة أبو زيد

اضف رد

لن يتم نشر البريد الإلكتروني .

x

‎قد يُعجبك أيضاً

اعتزم الرحيل واكون راحلة /داليا اياد

اعتزم الرحيل واكون راحلة  وقت المغيب رغم أنى ليست بفاعلة  روحى معك ...