بيت الأدباء والشعراء

البسمة فى عيونك يا بنا

البسمة فى عيونك يا بنا
ما كنتش تعرف اننا عايشين فى غابه
وبأن قلبك النقى ما لهوش مكان وسط الديابه
لما الشيطان أصبح ملك وله عبيد
بيدوسوا على حلم الغلابة
لما المبادئ أصبحت سلعة وضيعة
والشرف بيدوسوا فيه بالأحذية
وقلوبهم السودة منابر للبجاحة
الحلم ضاع لما ضاعت الأخلاق وتاهت
وسط طوفان السفالة والإنحطاط
لما بقت الناس بتوزن بعضها بشوية فلوس
والظلم أصبح مدرسة
طلابها معدومى الضمائر والنفوس
علشان كدة يا بنا
لما الشهامة والمروءة نادت عليك
لبيت الندا
بقلب طيب وبإيمان
وبكلمة الحق اللى نادى بيها رسولك العدنان
وقفت وحدك قدام غيلان
بشر بالإسم لكنهم أسوء من الشيطان
خونه ولئام
طعنوك بغدر يا رمز الشرف
دمك طرح ورد وريحان
يا ابن أمة مسلمة حرة أبيه !!!
ازاى يضيع حقك يا بنا
وانت اللى حامل راية الإيمان
هو اللى يحلم بالشرف
ويضحى لاجل الدين جبان
دمك هيفضل لعنه على كل الطغاة
إياك تفكر ان حقك بوم يضيع
ربك لا يمكن يخذلك
خلقك وقادر ينصرك
والقاتل اللى هان دمك عليه
عقابه عند الله أليم
والبسمة اللى بديت بيها حياتك بالأمل
بسمة رضا
بسمة إيمانك بالقضا
والجنه من عند الكريم
يا بنا مثواك الأخير

أيمن أبو الدنيا

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: