بيت الأدباء والشعراء

القرار

(( القرار)))

*************

يا مغمسين أكلكم بالدم

يا مشيّلين الجنين فى رحم الأم

جبال الهم

يا اللى صابغين السنين بلون الليل

عدّى النهار على دربكم ** وفى قلبى مواله

وضحكة الطفل اللى شاب ** قبل ما يخط الكتاب

داست على اكتافى الليالى

داب النهار وسط القبور

يااللى ماسكين اللجام ** حزّموا وسط الليالى

بات الفؤاد مجروح ** والأرض بور

يا اللى دابحين على باب الليالى فرحتى

يا مصخْـرين البحر تحت المراكب

الليل طويييييل ومنقوش على جداره ** دمعتى

يا غربه بتلاطِـمينى ولا موج البحار

تاه الأمل والنور ** وجنتى بطعم النار

يا سكة السفر اللى بدأت

قبل مولد البشر

يادروب ساكنها قلوب

ساكنها أسوأ أنواع الحجر

الليل طوييييل والفرح بترنّح ** على جدار الألم

وبيحتضر

والضلمه بتمضمض فى أحلام الغلابه من البشر

والطفل لسه بينتظر

نور النهار

مين اللى قادر

يتخذ فينا القرار

********

شاعر القريه

فيصل بدر

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: