بيت الأدباء والشعراء

مش فارق مع حد غيابك

مش فارق مع حد غيابك
ولا فارقه هتبقى انت ازاى
ولا حد هيسأل فى جنابك
طول م انت هترحل مش جاى

قدامك عاملين أحبابك
طول م انت بتفتح ابوابك
وبتعزم على قهوه وشاى
دلوقت الناس وِشَّك وِشَّك
الضحكه فى الوش تغشك
وف ضهرك سكينه تحشك
الدنيا بقت عامله ازاى!!!

بتحب الناس وبتتعَشِم
وتشوف الخلق بتتبَسِم
بالحب ف خيرك بِتْقَسِم
ف طريق الخير رايح جاى

بتسامح ف حقوق من عشمك
والناس بيقولو د من غَشَمَك
ارجوك م تزودش ف عَشَمَك
دنيتنا م هيش نغمه وناى
إفهمها وشوف ماشيه ازاي…
#عاطف صلاح#

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق
%d مدونون معجبون بهذه: